Од Министерството за внатрешни работи информираат дека е пронајден автомобил два часа откако бил пријавен за украден.
„На 14.09.2021 во 18,07 часот Н.К. во СВР Скопје пријавил дека од ул.Никола Русински позади ТЦ Лептокарија, му било одземено патничко возило „бмв“ со штипски регистерски ознаки, кое тој го оставил отклучено и во погон. Веднаш се преземени соодветни мерки и активности од полициски службеници од ОКР Ѓорче Петров и ОКР Карпош и околу 20 часот возилото е пронајдено во с.Лака и ќе биде вратено на сопственикот. Се преземаат и дополнителни мерки и активности за целосно расчистување на случајот“, велат од МВР.