Денеска беа доделени наградите за најдобрите дипломирани студенти во академската 2015/2016 година на сите 23 факултети во состав на Универзитетот „Св. Кирил и Методиј“.
Наградените студенти добиваат парична награда и златник со ликот на Кирил и Методиј, кои денес им беа врачени од страна на ректорот Никола Јанкуловски.
– Тие со својата одличност за нијанси се издвоија од нивните колеги и станаа први меѓу еднаквите по квалитет во својата генерација. Целта на оваа денешна церемонија е скромно да ве наградиме и јавно да ве пофалиме, рече Јанкуловски.