СВР Скопје поднесе кривична пријава против С.В. (43) од Скопје поради основано сомнение дека сторил кривично дело „разбојништво во обид“. Пријавениот завчера околу 4:45 часот на улицата „Козле“ во бензинска пумпа со сериозна закана дека ќе прави проблеми ако не му го дадат дневниот пазар, се обидел да изврши разбојништво.
Притоа бил спречен од двајцата вработени на пумпата кои го совладале и го предале на полициски службеници од ПСОН „Карпош“.
Судија во претходна постапка му одреди притвор од 30 дена. Пријавениот е прекршочно пријавуван за нарушување на јавниот ред и мир, а во 2011 година му е поднесена кривична пријава за кривично дело „разбојништво“.