Секторот за внатрешни работи Куманово поднесе кривична пријава против кумановката В.Л.(55) вработена како референт во ПИОМ-Филијала Куманово поради постоење основи на сомнение за сторени кривични дела „злоупотреба на службена положба и овластување“ и „фалсификување исправа“.
Како што информира МВР, на 22.03.2016 година, пријавената на бланко документи за потрошувачки кредит се потпишала на местото управител и овластен сметководител по што со службен печат на Фондот го заверила документот, а потоа во Уни Банка Куманово го приложила врз основа на кој и бил одобрен кредит во износ од 60.000 денари.