Вработен во делчевска гимназија е осомничен дека вчера со мобилен телефон снимал тинејџерки како се пресоблекуваат во соблекувалната на спортската сала на гимназијата, информираат од МВР.
Според полицијата, вчера, околу 14 часот, во соблекувалната на спортската сала, три ученички на возраст од 16 и 17 години, додека се пресоблекувале, нашле мобилен телефон кој бил вклучен да снима.
Случајот бил пријавен во локалната полиција, чија екипа по извршениот увид утврдиле дека мобилниот телефон му припаѓа на Б.Ѓ. (47), вработен во гимназијата „Методија Митевски Брицо“.
Против него делчевската полиција до надлежното јавно обвинителство поднела кривична пријава за производство и за дистрибуција на детска порнографија.
