Скопскиот воздух вечерва е на второ место по загаденост на светско ниво, веднаш зад Делхи во Индија.
Мерните станици поставени низ целиот град покажуваат дека загаденоста на воздухот е на опасно ниво.
Загадувањето на воздухот стана најголема закана за здравјето на луѓето кои живеат во Скопје, а ситуацијата се влошува со години, наместо да се најде решение. Според досегашните анализи, една од главните причини за енормното загадување е греењето на домаќинствата, со придонес од најмалку 32% во вкупните штетни емисии. Во текот на зимските месеци, според мониторинг станиците на Министерството за животна средина и просторно планирање штетните честички на PM 10 се околу десет пати повисоки од максимално дозволените концентрации според националното законодавство.
Непосредно пред Новата година, воздухот во Скопје исто така беше на опасно ниво, поради што беа воведени краткотрајни мерки за намалување на загаденоста, меѓу кои најпопуларна беше мерката за бесплатен автобуски превоз.
Градот Делхи кој е на врвот на листата најзагадени градови, своите најмлади од аерозагадувањето се бори да ги заштити со тоа што ги затвора училиштата во деновите кога воздухот е најтоксичен.