Возачот на „Бентли“ кој влета на плоштад казнет со 45 евра

Од:

Казната за арачиновецот кој влета на плоштадот „Македонија“ во Скопје со автомобил е 45 евра. Според Записникот за сторен сообраќаен прекршок објавен од скопскиот градоначалник Петре Шилегов, возачот е казнет според членот 187 став 6 од Законот за безбедност во сообраќајот.

Во него стои дека „Јавните патишта се обележуваат со пропишани сообраќајни знаци, со кои на учесниците во сообраќајот им се соопштуваат ограничувања, забрани и обврски. Мандатен платен налог со глоба во износ од 45 евра во денарска противвредност во мандатна постапка ќе му се издаде, односно ќе му се регистрираат 25 негативни бода согласно со одредбите од овој закон, на учесник во сообраќајот кој постапува спротивно на одредбата од ставот (3) на овој член“.

Снимка од возило марка „Бентли“ со скопски таблици, како влегува со голема брзина на плоштадот „Македонија е објавено на социјалната мрежа „Тикток“. Од снимката може да се види како додека возилото поминува, пешаците кои се наоѓаат на плоштадот панично се тргаат настрана кога го забележуваат.

Кратко време по ова, од МВР соопштија дека полицијата го пронајде возачот и го казни.

Би можело да ве интересира

МВР уапси три лица барани со потерници за издржување затворски казни

ВМРО-ДПМНЕ: Панче Тошковски го суспендира командирот од Ропотово, Даница Чадиева од СДС преку Второстепена го враќа

Полицајци земале поткуп од странци, па им фингирале документи дека влегле или излегле од Македонија

(ВИДЕО) Кузеска: Скандалот во МВР со испитниот центар смрди на корупција!

Млада жена се обидела да ја убие бабата на сопругот, поведена истрага

МВР: На ниту еден граѓанин не му беше скратено правото да присуствува на вчерашниот протест во Кочани

Предраг Петровиќ