Инцидент се случил вчера во скопската населба Чаир, кога возач на автомобил „Голф“ удрил и тешко повредил сопственик на продавница, а потоа удрил и во вратата од трговскиот објект, соопшти полицијата.
„На 03.06.2021 околу 13.00 часот во СВР Скопје било пријавено дека пред продажен објект на ул.„398“, сопственост на браќата А.М.(43) и Р.М.(42), Н.Р. со патничко возило „фолксваген голф“ со скопски регистарски ознаки го удрил А.М. и му нанел тешки телесни повреди, по што со возилото удрил во вратата на објектот“, велат од полицијата, додавајќи дека се преземаат мерки за расчистување на случајот.