Воз удри автомобил на преминот кај поранешна велешка Свилара, нема повредени

Од:

Железничка несреќа се случи изутрината нешто пред 9,30 часот на преминот кај поранешна велешка Свилара на патот кон селото Горно Оризари, во која воз удрил автомобил „пасат“ во неговиот заден дел. Возачот кој бил сам во звтомобилот за малку се спасил и останал неповреден, потврдуваат од СВР Велес.

Како што информира за МИА д-р Страхил Тодоров портпарол на ЈЗУ Здравстевн дом чија екипа на Итна помош по повикот веднаш пристигнала на местото на настанот, тие утврдиле дека возачот нема телесни повреди туку само акутна реакција на стрес од настанот.

– Нашата екипа констатира дека на возачот не му е потребна дополнителна медицинска интервенција,појасни др Тодоров.

Екипа на СВР Велес сеуште е на местото на несреќата.

Инаку, на овој железнички премин како што информираат од Железничката станица во Велес има поставено патна сигнализација, знаци стоп и андреев крст – што значи дека патот го пресекува железнички премин на пруга, а возачот треба да ја намали брзината и до погледне лево десно дали има воз, па потоа да преминува преку пругата.

Тие велат дека имаат најави дека наскоро со осовременување на пругата, и на овој премин треба да биде поставена и дополнителна современа звучна и светлосна сигнализација за поголема безбедност на возачите.

Би можело да ве интересира

Тинејџерка од Тетово повредена во сообраќајка

Две излетувања од коловоз со вкупно осум повредени

Ана Ололовска

Пешак повреден во сообраќајна незгода во тетовско Горно Седларце

Ана Ололовска

Во тетовско лани регистрирани се 167 помалку сообраќајни несреќи

Ана Ололовска

Еден повреден во сообраќајка на патот Струмица-Радовиш

Ана Ололовска

Во прекин сообраќајот на магистралниот пат А4 Струмица-Радовиш поради сообраќајка

Ана Ололовска