Триесет и едногодишен скопјанец настрадал откако во него синоќа удрил воз додека се движел на пругата пред надвозникот на булевар „Србија“ во Скопје, потврдија за МИА од Министерството за внатрешни работи.
Во СВР Скопје синоќа во 2 часот било пријавено дека на железничката пруга пред надвозникот на булевар „Србија“, воз кој сообраќал на релација Битола – Скопје удрил во пешак Н.М.(31) од Скопје, кој што починал на местото на настанот. Смртта ја констатирал лекар.
Увид на местото на настанот извршила увидна екипа на СВР Скопје. Известен е јавен обвинител по чија наредба телото на починатиот е предадено за обдукција. Се преземаат мерки за расчистување на случајот.