Воведена нова иновативна терапија за лицата со хемофилија за значително подобрување на квалитетот на живот

Од:

Од почетокот на годинава за лицата со хемофилија е воведена иновативна биолошка терапија, која се администрира поткожно, еднаш неделно во домашни услови од самите лица, со што болните и чести венепункции стануваат минато за овие лица, информираат од Министерството за здравство.

Со оваа терапија (emicuzumab), според Министерството, дополнително и повеќекратно се намалува честотата од крварења а со тоа, квалитетот на живот се крева на ниво на кое лицата со хемофилија функционираат комплетно независно, без непотребни отсуства од училиште или од работа.

-Министерството за здравство, во соработка со „Националниот комитет за хемофилија и останати вродени болести на системот за коагулација“, кој ги интегрира сите институции вклучени во здравствената заштита на лицата со хемофилија, како и во соработка со претставниците од граѓанските здруженија, постигнаа значајни резултати во изминатите две години за унапредување на севкупната грижа за лицата со хемофилија и останатите вродени заболувања на системот за коагулација. Главниот фокус беше насочен кон подобрување на снабдувањето со фактори на коагулација, како и да се подигне грижата и квалитетот на живот на овие лица преку спроведување профилактичка терапија, не само кај децата, туку и кај возрасните лица со тешка форма на хемофилија А. Профилактичната терапија е значајна бидејќи на тој начин се избегнуваат трајните оштетувања на зглобовите, предзивикани од честите крварења, кои за жал, понекогаш водат кон траен инвалидитет. Десет пациенти од нашата земја веќе ја користат оваа терапија, порачуваат од Министерството.

Терапијата, нагласуваат, се воведе во најкритичниот период за здравството, а Клиниката за хематологија и Институтот за трансфузиона медицина-Центар за хемофилија, во соработка со Министерството за здравство, организираа мобилен тим, кој ги посети пациентите низ земјава и ги едуцираше како сами да ја администрираат терапијата.

-Со оваа терапија значително се подобрува квалитетот на живот на лицата со хемофилија, па така ако досега пациентите венски примаа терапија трипати неделно, и крвареа од зголбови по пет-шест пати, сега лекот го примаат поткожно, еднаш во неделата, без дополнителен ризикот од крварења. Со оваа терапија значително се подобрува квалитетот на живот и функционирањето на овие лица, кои можат да бидат активни, да одат на работа и да придонесуваат во општеството, информираат од Клиниката за хематологија и од Институтот за трансфузиона медицина-Центар за хемофилија.

Нашата земја, додаваат, е прва во регионот, веднаш по земјите-членки на ЕУ Словенија, Хрватска и Бугарија, која овој лек го направи достапен за лицата со хемофилија.

Би можело да ве интересира

Уапсен директор во Србија, лечел луѓе со лекови за животни

А1он

Се отвора Центар за дејствување во услови на епидемии и други јавно-здравствени вонредни ситуации

Во првите шест месеци годинава вкупно се собрани 20.692 единици крв, 165 единици тромбоцитен концентрат и 61 единица конвалесцентна плазма

А1он

Министерството за здравство апелира да се почитуваат донесените протоколи за работата на плажите и базените

А1он

Регистрирани нов 101 случај на Ковид-19 во земјава, петмина починати

А1он

Докторите апелираат да се почитуваат мерките: Вирусот не штеди никого, се разболуваат и стари и млади

А1он