На барање на граѓаните и на општина Гази Баба, ЈСП „Скопје“ од денеска воведе пробно возење на новата линија со број 163, со мини автобус. Релација на линијата е од село Драчево до општина Илинден.
Трасата на движење е од Драчево, по улицата „Китка“, населбата Драчево, Долно Лисиче, Јурумлери, Идризово, преку надвозникот низ Кадино, Марино и општината Илинден. Во обратна насока се движи по истата траса.
Линијата ќе сообраќа само во работни денови. Автобусот ќе поаѓа од селото Драчево во 6:15; 14 и 15:30 часот. Поаѓањето од општината Илинден е во 07; 14:45 и 16:15 часот.