Утрово во експозитурата на НЛБ Банка во Сарај се случи грабеж од вооружена група разбојници. Во моментот на случувањата во експозитурата биле присутни вработени и клиенти, при што сите се безбедни и во добра состојба, велат од НЛБ Банка.
„Претставници на Банката се во постојан контакт со клиентите и вработените кои биле присутни во филијалата, ставајќи ја нивната безбедност и нивното здравје во преден план.
Во моментов сѐ уште нема детали за висината на направената штета. Надлежните органи вршат увид на самото место и се во блиска соработка со Банката за што побрзо и ефикасно разрешување на случајот и разоткривање на деталите.
Средствата на клиентите се сигурни бидејќи Банката има осигурување на целиот свој имот и средства“, соопштуваат од НЛБ Банка.
