Комисијата за избори и именување со која претседава Илија Димовски со девет гласа „за“ го разреши поранешниот претседател, а сега член на Комисијата за спречување на корупцијата поради злоупотреба на службената положба.
Собраниската комисија одлучи по барање на Антикорупциска, а како причина за ваквото барање се наведува што Зафировски пред една година во допис до Советот на јавни обвинители, без да се консултира со комисијата, напишал дека нема судир на интереси кај Насер Ајдини кој конкурирал за заменик на јавниот обвинител.
Пратениците од ДПА се двоумеа дали всушност надлежна за разрешување на Зафировски е Комисијата, но претседателот на истата, Илија Димовски, објасни дека таа е надлежна за разрешување на членовите, бидејќи законот утврдува дека тие за својата работа одговараат пред парламентот. Како услов за нивно разрешување е предвидено само ако сами побараат, ако се осудени на затворска казна или поради смрт.