Воено медицинскиот центар на АРМ денеска со воена свеченост ќе го одбележи денот на единицата.
Воената свеченост која е во рамки на активностите за 25 години од формирањето на Армијата на Република Македонија, согласно воениот протокол ќе се одбележи со постројување на единицата, пригодни говори и доделување на стимулативни мерки.
На свеченоста се очекува да присуствуваат претставници од генералштабот на АРМ, здружено оперативната команда, команди и единици на Генералштабот на АРМ и други гости.
Воено медицинскиот центар се наоѓа во организациско-формациската структура на командата за логистичка поддршка и претставува носител на медицинското обезбедување на АРМ, со главна мисија за зачувување и унапредување на здравјето првенствено на припадниците на АРМ.