Јавното комунално претпријатие „Стандард“ ги демантира гласините кои се шират дека водата за пиење од градскиот водовод е неисправна за пиење.
-Последните анализи направени деновиве потврдуваат дека водата од водоводот Росоки-Дебар, е хемиски и бактериолошки исправна за пиење. Гласините кои се шират категорично ги демантираме и ги оценуваме како антипропаганда од некои кругови во градот. Граѓаните кои се снабдуваат со вода за пиење од овој водовод слободно може да ја користат истата за пиење. И понатаму тврдам дека нашата вода е една од најчистите во Европа, изјави директорот Мазлум Леши.
Според Леши моментно во градскиот водовод пристигнуваат 160 литри вода во секунда, редовно се врши хлорирање според сите потребни стандарди и истата ги задоволува потребите на градот.
Освен градот од истиот водовод со вода за пиење се снабдуваат и селата Долно Косоврасти и Рајчица, а крак од водоводот вода носи и во Центар Жупа.
Низ градот проструија гласини дека по последните обилни дождови, водата од градскиот водовод е загадена