Исправна е водата за пиење од градскиот водовод „Лукар“, како бактериолошки, така и хемиски. Ова го покажуваат резултатите од последните анализи на земените мостри, изјави за МИА доктор Трајче Ризов, специјалист по хигиена од Центарот за јавно здравје Кавадарци.
– Микробиолошките анализи покажаа дека бактериолошки и хемиски водата за пиење е исправна и пред нејзина употреба не е потребно превривање. Единствено има органолептичка промена на бојата поради зматувањето од обилните дождови. Опасност по здравјето на луѓето нема. Единствено доколку вода од водоводот им се дава на малите деца добро е таа да биде превриена, нагласи Ризов.