Вода од градскиот водовод на Кочани за Чешиново-Облешево

Од:

Водоснабдителниот систем во општина Чешиново-Облешево деновиве ќе биде приклучен на градскиот водоснабдителен систем на Кочани, од каде четири населени места од општината ќе се снабдуваат со чиста вода за пиење.

Завршена е изградбата на главниот крак на водоводот во должина од 3.200 метри, при што се изградени и сите потребни придружни објекти, водоводни шахти и хидрантски приклучоци на потегот од приклучната шахта кај село Долни Подлог.

– Со чиста вода за пиење ке се снабдуваат жителите на Облешево, Чифлик, Чешиново и Уларци или околу 3.000 жители. Со средствата кои општината ги доби од Министерството за финансии се реализира последната фаза од проектот, приклучување на водоводната мрежа со главниот довод кај селото Подлог. Изведувач на работите е компанијата „Вато“ ДОО – Скопје, изјави Костадин Личков, градоначалник на општина Чешиново-Облешево.

Личков појасни дека потпишале договор со општина Кочани и Комуналното јавно претпријатие „Водовод“ за приклучување кон водоводниот систем со што, како што рече, проблемот ќе биде целосно решен.

Средствата за реализација на овој проект се обезбедени преку Министерството за финансии како под заем во рамки на Проектот за подобрување на општинските услуги (MSIP), како и со дополнителни финансиски средства на општината, со што вредноста на проектот изнесува околу 20 милиони денари.

Би можело да ве интересира

Тројца пациенти денеска се враќаат од Шведска и Грција

Насилник од Кочани на поранешна партнерка и на нејзиното дете им праќал вознемирувачки пораки

На истражните органи им е предадена целата медицинска документација за пожарот во Кочани

Пет пациенти пуштени денеска, двајца се враќаат од Литванија и Шведска, четворица во критична состојба

Јаревски: Пратеничката група на ВМРО-ДПМНЕ по скратена постапка го менува Законот за јавен ред и мир, со што се става ред за употреба на пиротехнички средства во затворен простор

„Кој е следен“: Надлежните да ја отворат документацијата за дискотеката „Пулс“ од 2012 година до денес

Предраг Петровиќ