Ова е позитивна работа и рефлексија од изборите во декември. Политичката криза која траеше предолго е надмината и ова е свеж старт. Има премногу работа за вашата нација да се врати на евроатланскиот пат. Владата и опозицијата мора да работат заедно, изјави комесарот Јоханес Хан по средбата со македонскиот Премиер, Зоран Заев.
-Дискутиравме за приоритетните реформи во државата, комисијата е подготвена да помогне, ова е тоа што вашите граѓани го посакуваат, рече Хан при што најави посета на Република Македонија на крајот од месецот.
Во однос на главниот проблем за прием на Македонија во ЕУ, спорот за името со Грција, комесарот Хан изјави дека крајно време е да се најде решение и работите конечно да се придвижат напред.
-Има заемно разбирање од страна на двете држави дека треба да се направи прогрес по ова прашање. Има начини како да се реши оваа ситуација, вели Хан.