Излезеноста на гласачите во општина Вевчани на предвремените парламентарни избори што се одржуваат денеска е 39,91 проценти, информира претседателот на Општинската изборна комисија Новица Костојчиноски.
На вториот круг од претседателските избори, како што појасни тој, излезеноста на граѓаните е 39,70 отсто.
– Избирачките места во општина Вевчани денеска беа отворени на време, точно во 7 часот. Гласањето се одвива во најдобар ред, во мирна и демократска атмосфера, рече Костојчиноски.
Во Вевчани се гласа на три избирачки места. Право на глас за избор на новиот Парламент во Република Македонија имаат 2.072 гласачи, а за претседател на државата 2.069 граѓани.