Вкупно две илјади и 55 граѓани на Општина Вевчани денеска ќе го остварат своето право да гласаат на петтите локални избори во Република Македонија.
Според претседателот на Општинската изборна комисија во Вевчани Ивица Костојчиноски, изборниот процес тече без проблеми.
– Во Вевчани се гласа на три избирачки места кои беа отворени согласно законскиот рок, утрово во 7 часот. Досегашниот процес на гласање тече без проблеми, а излезноста на граѓаните до десет часот беше околу 15 проценти, информира Костојчиноски.
Вевчанци денеска ја избираат новата локална власт помеѓу тројца кандидати за градоначалник и исто толку советнички листи.