Во Велес синоќа се одржа хуманитарен концерт на класична музика во изведба на Камелија Дукова, Кристијан Зефиќ, Дејана Цветановска и Стојанчо Баковски, а средствата кои се собраа организаторите ги наменија за нивната сограѓанка Маја Керова Бабунска.
Керова е сопруга и мајка на две ќерки, која од јуни 2010 година се бори со ракот на дојка. И по хируршкиот зафат и стандардната терапија, ракот метастазира на карлицата и коските на десната нога и бележи промени во белите дробови и црниот дроб.
Заради оваа дијагноза на Керова итно и е потребно лекување на клиника во Хјустон, а трошоците за лекување изнесуваат од 60 до 180.000 американски долари.