Во Велес до 17 часот на изборите за претседател гласале 55,86 проценти од лицата со право на глас, а на предвремените избори 56,88 проценти.
Во Велес на 84 избирачки места според ОИК до 17 часот на вторите претседатесли избори гласале 55,86 проценти од гласачите, а за вонредните парламентарни гласале 56,88 проценти. Гласањето на сите изборни места поминало фер и демократски, велат од ОИК. Во Велес денеска за вторите претседателски избори гласаат 46.548 избирачи, а за вонредните парламентарни 46 444 избирачи.
Во Кочанско до 18 часот гласале над 58 отсто од граѓаните
До 18 часот во општина Кочани за претседател гласале 19.032 граѓани или 58,21 отсто, додека за парламентарните избори гласале 19.020 граѓани, односно 58,43 отсто, информира Ирина Хаџиева, претседателот на Општинската изборна комисија.
Слична е состојбата и во општина Чешиново-Облешево каде гласале 58 отсто за претседателските и 58,45 отсто за парламентарните избори.
Во Општина Зрновци излезеноста на граѓаните изнесува 57,94 отсто за претседателските и 58,74 отсто за парламентарните избори.
Во општина Виница одѕивот за претседатслските избори изнесува 52,2 отсто, а за парламентарните 53 отсто.
Најголема излезеност во овој дел на Македонија има во општината Пртопбиштип, каде за претседател гласале 66,75 отсто, додека за парламентарните избори излегле 66,81 отсто од граѓаните со право на глас.
Гласањето во овие општини до пред затворањето на гласачките места помина во мирна атмосфера и без инциденти.