Општина Валандово почна активности во летниот период согласно годишната програма за изградба и реконструкција на локалните патишта и улици кои ќе се одвиваат до крајот на идниот месец поради поволните временски услови за нивно изведување.
Од општината соопштија дека активностите предвидуваат целосна изградба на девет градски сокаци како и санација на оштетените делови од неколку градски улици со што ќе се овозможи поефикасно и побезбедно одвивање на сообраќајот.
Градежните работи на сокаците и улиците во Валандово ќе се изведуваат според договор кој е склучен на претходно спроведена јавна набавка. Работите треба да завршат во рок од четириесет дена и ќе ја чинат општината околу 2,5 милиони денари.