Двокатна куќа и плевна утринава изгореа во пожар во тетовското планинско село Вешала утринава. Во куќата не живеел никој и нема повредени лица.
-Пријавен е пожар во 7 часот и 45 минути во село Вешала, сопственост на 55-годишна жена од истото место. При пожарот целосно изгореле двата објекти, при тоа нема повредени. На пожарот интервенирале пожарникарите од тетовската територијална противпожарна единица и огнот е локализирани и ликвидиран, информира Марјан Јосифоски, портпарол на СВР Тетово.
Во текот на денот ќе се врши увид од полициските службеници на СВР Тетово.
Вчера пожарникарите интервенирале и на пожар на отворено во селото Прељубиште. На 5 март во Стенче изгоре двокатна куќа, каде исто така никој не живеел и немаше повредени.
