Едно лице албански државјанин се здобил со сериозни повреди на главата во тепачката што утрово се случила во одделението за притвор во тетовскиот затвор.
Како што информираше портпаролот на СВР Тетово, Марјан Јосифовски, случајот бил пријавен во полицискта станица Тетово околу 8 часот и 45 минути.
Според неговите првични информации во тепачката учествувале вкупно 3 лица, од кои двајца македонски државјани и албанскиот државјанин при што тој бил удрен по главата со метална шипка. Поради сериозноста на повредите веднаш бил прфрлен во тетовската клиничка болница, а увид во затворот вршат екипи на СВР Тетово и истражен судија.