Загина мотоциклист во сообраќајна несреќа што се случила рано изутрина во Кавадарци. Информацијата ја потврдија од МВР за МИА.
– Утрово во 1.33 часот во ОВР Кавадарци било пријавено дека на улицата „Шишка“, се случила сообраќајна несреќа помеѓу „ауди“ управувано од М.Н.(33) од Кавадарци, возило „тојота“ управувано од Д.Г.(18) од Кавадарци и моторцикл „априлија“ управуван од С.П.(20) од Кавадарци. Во несреќата моторциклистот С.П. се здобил со тешки повреди и бил пренесен во болницата во Кавадарци каде што во 2.20 часот починал – појаснија од МВР.
Увид на местото извршиле јавен обвинител и екипа на ОВР Кавадарци.