Во законски утврдениот рок за поднесување кандидатури за градоначалник и советнички листи на политичките партии кој истече во саботата на полноќ, во Општинската изборна комисија во Струга се поднесени вкупно три кандидатури за градоначалник.
Кандидат за градоначалник од ВМРО-ДПМНЕ и коалициските партнери е доктор Владо Кочоски. Довербата на граѓаните од ДУИ ќе ја бара доктор Арбен Лабеништа, а од ДПА кандидат за прв човек на општината е доктор Зијадин Села.
До Општинската изборна комисија во Струга во законски предвидениот рок за претстојните локални избори кандидатури за градоначалници поднеле три партии и тоа ВМРО- ДПМНЕ, ДУИ и ДПА. Во рамките на законскиот рок се поднесени и пет листи за членови на општинскиот совет, од коалицијата на ВМРО- ДПМНЕ, од ДУИ, ДПА и НДП, како и една советничка листа од група избирачи.
Носител на советничката листа на ВМРО- ДПМНЕ и коалицијата е Никола Затуроски, на ДУИ Агим Салкоски, на ДПА Абдула Ќазимоски, прв на листата од НДП е Ардијан Демири, а носител на независната листа на група избирачи е Скендер Бектеши.
