Над четириесет нелегални мигранти од земји од Блискиот и Среден исток се откриени утрово во српско товарно возило во правец на северниот граничен премин Табановце, информираше Министерството за внатрешни работи.
Полициските службеници утрово околу 4,15 часот на автопатот автопатот Куманово-Табановце, во близина на граничниот премин со Србија, откако забележале паркирано товарно возило „фиат дукато“ со српски национални ознаки кое имало издишана гума се упатиле кон него. Притоа лицето кое го управувало возилото, веднаш се дало во бегство.
При контрола во просторот за товар, пронајдени се вкупно 44 мигранти од Авганистан, Сирија и Пакистан. Лицата се приведени во СВР-Куманово за натамошна постапка, информираат од МВР.