Денеска СДСМ поднесе барање за вонредна седница на Советот на Општина Битола на којашто се бара одлука за враќање во трајна сопственост на Домот на АРМ на општина Битола, со забрана за оттуѓување на истиот. СДСМ бара да се издвојат и пари од буџетот на РМ за целосна реконструкција на Домот. За ова в среда во 18 часот ќе се одржи протест во градот.
– Покажавме дека заедно можеме да ја натераме власта во заминување да го повлече огласот за продажба на Офицерскиот дом во Битола. Заеднички го спречивме обидот на ВМРО-ДПМНЕ да го раскрчмува симболот на Битола. Но, не е доволно само повлекување на огласот за продажба на Офицерскиот дом. Битола и битолчани заслужуваат тој да им биде вратен во трајна сопстеност и да биде комплетно реконстуиран – изјави денеска Зоран Стојчевски, советник од СДСМ.