Во СВР Штип е пријавено дека на регионалниот пат во с.Ратавица, кај место викано „Глобица“, се случила сообраќајна несреќа помеѓу патничко возило „југо“ управувано од Г.С.(56) од Кочани и возило „пежо“ управувано од А.М.(29) од Кочани.
– Во несреќата со тешки повреди се здобил возачот на патничкото возило „југо“, кој со возило на Итна медицинска помош е пренесен во Клиничка болница Штип, каде им подлегнал на повредите. Лекар констатирал смрт, информира МВР.
Кај неговиот сопатник С.С. и возачот на патничкото возило „пежо“ се констатирани телесни повреди.
Извршен е увид од увидна екипа на СВР Штип.
