Вчера вечер околу 19.45 часот во Полициската станица Прилеп било пријавено дека на улица „Александар Македонски“ во Прилеп, патничко возило „фолксваген“ со прилепски регистарски ознаки, управувано од 54-годишниот Р.П. од село Славеј, прилепско, удрил во велосипед управуван од 42-годишната А.Ц. од Прилеп, извести МВР.
– Од здобиените повреди на местото починала А.Ц., а смрт констатирал лекар од Итна медицинска помош, додаваат од МВР.
Увид извршиле екипа од Полициската станица Прилеп и јавен обвинител, по чија наредба телото на починатата било дадено на обдукција.