Вчера вечер во 19.40 часот пријавено е дека на улицата Илинденска во Кавадарци се случила сообраќајна несреќа помеѓу патничко моторно возило „шевролет“ со кавадаречки регистарски ознаки, управувано од 39-годишниот И.К. од Кавадарци и мопед „кимко“ со кавадаречки регистарски ознаки, управуван од 30-годишниот Б.С. од Кавадарци, извести МВР.
– Во несреќата со тешки телесни повреди се здобил возачот на мопедот Б.С.,кои му биле констатирани од лекар во Општата болница Кавадарци, додаде МВР.
Увид на местото на настанот извршила екипа од Полициска станица Кавадарци.