ВИДЕО: Во Собранието почна процедурата за одземање на имунитетот на Димовски

Од:

Во Собранието започна процедурата за одобрување на барањето на судот за притвор на пратеникот, Љупчо Димовски.

Судот поднел барање до претседателот на Собранието, да се отпочне процедура за одземање на имунитетот на пратеникот за да може да се постапува понатаму во постапката.

Комисијата за мандатно имунитетни прашања го разгледала барањето и со пет гласа „за“ и четири „против“ дала зелено светло за одобрување на истото, односно одземање на имунитетот, информраше пред пратениците претседателот на комисјата, Павле Богоевски.

„Сакам да изнесам дека не е точно она што го вели опозицијата, дека Собранието врши политички прогон. Собранието согласно своите деловнички процедури треба да му овозможи на судот непречено да ја врши својата работа, а ние како пратеници ако сме гласале ‘за’, не значи дека колегата е виновен, ниту пак дека не е виновен. Да внимаваме на пресумцијата на невниност. Да оставиме судот да одлучи согласно законот. До сега немало случај Собранието да го штити имунитетот на било кој пратеник и да го попречи судот да ја докаже вистината“, истакна Богоевски.

По излегувањето на Богоевски, Џефери ја прекина седницата и кажа дека истата ќе се презакаже. За збор се јавија десетина пратеници да расправаат за имунитетот на пратеникот, а согласно со процедурите, во рок од три дена парламентот треба да донесе одлука за одземање имунитетот.

Димовски, заедно со уште двајца поранешни министри за земјоделство, шумарство и водостопанство, Михаил Цветков и Ацо Спасеновски, како и поранешниот заменик-министер Кристијан Делев се под истрага за злоупотреба на службена положба и овластување при доделување на земјоделска помош и давање под закуп државно земјоделско земјиште со што предизвикале штета од над 1,4 милиони евра на Буџетот.

 

Габриела Димковиќ-Мишевска

 

Би можело да ве интересира

Собранието ќе избира заменици министри

Марина Димовска избрана за нова генерална секретарка на Собранието

Предлог законот за дополнување на Законот за енергетика, по скратена постапка, проследен на натамошна постапка во Собранието

Верификувани мандататите на новите пратеници

Собранието ќе ги пополни местата на пратениците кои станаа министри

Критики за програмата и кадровските решенија од опозицијата, прва половина од собраниската седница за избор на новата влада