Денеска во 11 часот пред Собранието на Република Македонија, ХЕРА заедно со сите организации кои застанаа зад иницијативата за повлекување за новиот закон за прекинување на бременоста ќе одржат протест.
Во исто време во собраниската сала, народните избраници, ќе дебатираат и гласаат за владиниот предлог, во кој се вклучени измените кои ги прифати министерот Тодоров.
„Јас лично, ако ме прашувате како Никола Тодоров, мислам дека не треба и не смее да се забрани абортусот, но сметам дека ова прашање треба да се регулира со закон“, изјави вчера министерот за здравство Никола Тодоров.
Првиот човек во здравството, тврди дека не треба да се повлече предлог-законот за абортус.
Опозицијата, и пратеничките од владиното мнозинство Ермира Мехмети Деваја и Лилјана Поповска се против ова законско решение.