При вчерашната засилена акциска контрола во сообраќајот, на територијата на град Скопје изречени се вкупно 184 мерки, информираат од Министерството за внатрешни работи.
Како што стои во соопштението од МВР, за возење повеќе од дозволената брзина се изречени 39 санкции, 23 прекршоци што ги чинат пешаците, 14 за возење без возачка дозвола, 12 прекршоци што ги чинат возачите на мотоцикли.
Дополнуваат дека се изречени осум санкции за користење мобилен телефон, шест за технички неисправни и нерегистрирани возила, осум за возење под дејство на алкохол, шест за непрописно престигнување и обиколување и 45 за непрописно паркирање.
Од МВР посочуваат дека засилените сообраќајни контроли продолжуваат и во наредните денови и апелираат до граѓаните да ги почитуваат сообраќајните правила и прописи со цел зголемување на безбедноста во сообраќајот.