Сообраќајната полиција при Министерството за внатрешни работи вчера изрекла вкупно 148 мерки, од кои за возење повеќе од дозволената брзина 25, 12 за возење без возачка дозвола и 45 прекршоци што ги чинат возачите на мотоцикли, информираат од МВР.
Изречени се 10 санкции за користење мобилен телефон, осум за нерегистрирани возила и четири за минување на црвено.
Од МВР апелираат до граѓаните да ги почитуваат сообраќајните правила и прописи со цел зголемување на безбедноста во сообраќајот и напоменуваат дека засилените акциски сообраќајни контроли продолжуваат и во наредните денови.