Сообраќајната полиција во текот на вчерашниот ден на подрачјето на Град Скопје извршила увид на вкупно 14 сообраќајни незгоди.
Од нив, четири се со последица материјална штета и девет се со последица телесни повреди во кои со полесни телесни повреди се здобиле 13 лица.
Се случила и една незгода со тешка телесна повреда во која со тешки телесни повреди се здобил еден пешак.
Во текот на вчерашниот ден од страна на сообраќајната полиција откриени и санкционирани се девет возачи коишто не го почитувале ограничувањето на брзината на движење. Шест возачи поминале на црвено светло на семафорот, како и 14 возачи кои непрописно се престроиле пред крстосница, не го користеле безбедносниот појас или го користеле мобилниот телефон за време на управување на возилото.
Со помош на специјалното возило „пајак“ во текот на вчерашниот ден од страна на сообраќајната полиција отстранети се 63 возила кои го попречувале нормалното одвивање на сообраќајот.
Денеска Отсекот за превенција при Единицата за безбедност во патниот сообраќај при СВР Скопје ќе одржи едукативни работилници во Основното училиште „Александар Урдаревски“ во населено место Сандево и во подрачното училиште во населено место Блаце кои се наоѓаат на територијата на општина Чучер – Сандево.
За денеска нема најавено вонредни настани со што се очекува сообраќајот да се одвива тековно и според постоечката сообраќајна регулатива.
Во недела, од 12 до 13 часот по повод Меѓународниот ден на жената – 8 Март, Градот Скопје ќе организира велосипедска трка која ќе започне од паркот „Жена борец“ на ул. „11 Октомври“ во продолжение по ул. „Димитрија Чупоски“, десно по бул. „Климент Охридски“, лево по бул. „Илинден“ до фонтаната во Градскиот парк. Со цел непречено и безбедно одвивање на сообраќајот од страна на сообраќајната полиција ќе бидат преземени мерки за сообраќајно обезбедување, физичко регулирање и пренасочување на сообраќајот.