Во текот на вчерашниот ден во Скопје се случиле 12 сообраќајни несреќи. Во три од нив со полесни телесни повреди се здобиле четири лица, а во две сообраќајки со тешки телесни повреди се здобиле две лица. Во седум сообраќајки е причинета материјална штета.
Како што информира СВР Скопје, санкционирани се шест возачи кои не ги почитувале светлосно сигналните уреди, односно поминале на црвено светло на семафорот, пет возачи за време на управување на моторните возила не го користеле сигурносниот појас или го користеле мобилниот телефон, а девет возачи ги управувале своите возила без возачка дозвола односно нерегистрирани. Затекнати се 29 непрописно паркирани возила.
Со помош на специјалното возило „пајак“ отстранети биле 54 возила.