Во Скопје во изминатите 24 часа починале уште деветмина пациенти на кои им била дијагностицирана инфекција со коронавирусот, а само еден од починатите имал повеќе од 70 години, покажуваат податоците на здравствените власти.
Луѓето кои починале од Ковид-19 во главниот град во изминатото деноноќие биле на возраст од 46, 54, 59, 67, 82, 67, 55, 61 и 64 години, соопшти Министерството за здравство.
Во Скопје од последниот дневен пресек се забележани нови 472 случаи на лица заразени со опасниот вирус, а оздравеле 560 пациенти, па бројот на активни случаи во главниот град се намали, но и натаму е над 10.000 (10.039).
Најмногу активни случаи на Ковид-19 во Скопје има во општината Гази Баба (1.488), а следи Аеродром со 1.460.
Еве како се распределени активните случаи по општините во Скопје и околината:
• Чаир – 632
• Гази Баба – 1488
• Аеродром -1460
• Карпош – 1166
• Центар – 1142
• Кисела Вода – 1235
• Ѓорче Петров – 877
• Бутел – 573
• Шуто Оризари – 211
• Студеничани – 50
• Сарај – 159
• Арачиново -33
• Илинден – 247
• Сопиште – 63
• Чучер Сандево – 98
• Петровец –131
• Зелениково -85
• Странец – 181
• Нераспределен- 208