Во Скопје во изминатото деноноќие се регистрирани 259 новозаразени со коронавирусот, а борбата со Ковид-19 ја загубиле уште шестмина пациенти, на возраст од 53 до 79 години, соопштија здравствените власти.
Според Министерството за здравство, во главниот град во моментов има 11.679 активни случаи на заразени лица, откако во изминатите 24 часа оздравеле 245 пациенти.
Од почетокот на пандемијата, вкупно 34.687 скопјани се заразиле со опасниот вирус, покажуваат податоците на Центарот за јавно здравје.