Во Скопје во изминатите 24 часа се регистрирани нови 426 лица со позитивни тестови на коронавирусот, а вкупниот број на заразени во главниот град во моментов изнесува 10.273.
Уште деветмина пациенти од главниот град во изминатото деноноќие ја загубиле битката со опасниот вирус, соопшти Министерството за здравство. Починатите биле на возраст од 62 до 81 година.
295 скопјани оздравеле во последните 24 часа, покажуваат официјалните податоци.
Од почетокот на пандемијата, 27.890 жители на главниот град се инфицирале, соопштија здравствените власти.
Министерството за здравство во официјалните соопштенија втор ден по ред не ги објавува бројките на активни случаи по скопските општини.