На територијата на Град Скопје во текот на вчерашниот ден во рамки на засилените акциски контроли во областа на сообраќајот изречени се вкупно 132 мерки, меѓу кои за возење повеќе од дозволената брзина 17.
МВР денеска информира дека 10 санкции се за возење без возачка дозвола, а 23 прекршоци што ги чинат пешаците.
– Изречени се осум мерки за возење под дејство на алкохол, шест санкции за нерегистрирани возила, осум мерки за користење мобилен телефон, 28 за непрописно паркирање, се наведува во соопштението.
Засилените акциски контроли продолжуваат и во наредните денови, најавија и апелираат до граѓаните да се почитуваат сообраќајните правила и прописи за да се зголеми безбедноста во сообраќајот.