Во изминатите 24 часа во Скопје се регистрирани 439 луѓе заразени со коронавирусот, а 12 пациенти починале како резултат на компликации предизвикани од Ковид-19, соопшти Министерството за здравство.
Починатите во главниот град биле на возраст од 49 до 85 години.
Во истиот период, 168 скопјани оздравеле, соопштија здравствените власти.
Бројот на активни случаи во главниот град сега изнесува 10.735.
Министерството за здравство веќе неколку дена во своите редовни извештаи не ги вклучува податоците за распределбата на активните случаи на болеста по скопските општини.