Во Штип почнува реконструкцијата на улицата „Страшо Пинџур“, која три години не беше во функција поради изградбата на станбено-деловен комплекс „Порта Пролет“.
Градоначалникот на општина Штип, Илчо Захариев на денешната прес-конференција истакна дека градежната фирма е избрана и веќе е подготвена улицата за асфалтирање. Оваа улица покрај тоа што ќе се асфалтира ќе биде проширена од две страни на коловозот.
-Значи имаме целосна реконструкција на улицата „Страшо Пинџур“ почнувајќи од Католичката црква, до влезот на оваа улица, односно до улицата „Михаило Апостолски“, а ќе се асфалтира истовремено и дел од оваа улица и овој дел ќе биде комплетно завршен. Ако земеме во предвид порано се асфалтираше дел од „Михаило Апостолски“, улицата „Каваклија“, па „Тодор Коларов“, потоа „Браќа Миладоновци“, па ја реконструиравме „Страшо Пинџур“, кај зградата на социјалното и на дел према Медицинското училиште, мислам дека во овој дел на градот сите улици се асфалтирани, посочи Захариев.
Тој истакна дека оваа инвестиција е на општина Штип, а од буџетот се изводени 1,5 милиони денари.
