Општина Штип заедно со основните училишта го одбележа Светскиот ден без автомобили. Учениците со велоиспеди на патекатата покрај реката Брегалница им покажаа на возрасните дека треба да ги остават возилата паркирани.
Градоначалникот Илчо Захариев кој присуствуваше на велосипедското дефиле истакна дека пешачењето и возењете велосипед е во корист и на физичкото и на психичкото здравје.
– Во Европа се обрнува поголемо внимание на овој ден, можеби во некои градови и нема автомобили. Јакнењето на културата луѓето да одат малку пеш или да возат велосипеди е добро заради дишење чист воздух, бидејќи секако автомобилите го загадуваат воздухот. Но, истовремено е добро и заради нашето физичко и умствено здравје, рече Захариев.
Велосипедското дефиле го организира Општина Штип со поддршка на Министерството за животна средина.
