Продолжен е рокот за пријавување на дивоградбите, кои се изградени до трети март 2011 година. Во едношалтерскиот систем на општина Штип во изминатите девет дена е незначителен бројот на поднесени барања за легализација на дивоградби.
Надлежните од општината информираат дека тоа се должи на новогодишните и божиќни празници, а очекуваат во текот на наредниот период да имаат повеќе барања за легализација на дивоградби, кои ќе ги поднесуваат граѓаните.
Инаку Законот за постапување со бесправно изградени објекти стапил на сила во 2011, а во периодот од 2011 до 2017 претрпил вкупно 14 измени.