Во Штип ќе се реконструираат четири улици

Од:

Заврши тендерската постапка за реконструкција на четири големи улици во градот Штип, информира градоначалникот на Општина Штип, Благој Бочварски. Станува збор за улиците „Иво Лола – Рибар“, Петта Партиска“, „Ѓорѓи Петров“ и „Крушевска Република“. Реконструкцијата, како што рече, ќе биде со гребење на стариот асфлат и поставување на комплетно нов асфлат, а ќе се работи според сите градежни прописи.

Бочварски најави дека наскоро почнува и изградбата на тротоарот до Кампус 4 на универзитетот „Гоце Делчев“-Штип.

– Од кружниот тек на населбата „Железничка“ до Кампус 4 ќе го градиме тротоарот, со што го разубавуваме и влезот на градот. Тротоарот ќе биде од десната страна и ќе биде можност за побезбедно да пешачат и студентите, но и граѓаните од овој дел на градот. Тој е некаде околу еден километар и 200 метри, веќе е во фаза на јавна набавка и наскоро очекуваме да почне неговата изградба, вели Бочварски.

Штипскиот градоначалник најави дека деновиве ќе почнат со изградба на неколку улици и во населбата „Железничка“. Инфраструктурните проекти кои се градат, но и за оние кои се распишани тендерски постапки чинат околу 120 милиони денари.

Би можело да ве интересира

Се претставуваат како спасители на повредени роднини и им ги земаат заштедите на повозрасните

Во штипско Ново Село панихида за Тодор Александров, се одбележаа 102 години од неговото убиство

Штип е без вода, филтер станицата e исклучена поради екстремна заматеност од синоќешното невреме

Горан Наумовски

Се претставил како директор, па ја измамил за илјадници евра

Горан Наумовски

Клековски: Формирана e комисија за надзор над случајот со родилката од Штип, ќе се вклучат двајца странски стручњаци

Горан Наумовски

38-годишен штипјанец почина во својот дом

Горан Наумовски