Во рамките на референдумската кампања „Излези За Европска Македонија“ денеска градоначалникот на Општина Штип, Благој Бочварски имаше средба и дебата со невладиниот сектор, а на која се изнесуваа ставовите за придобивките за влез во ЕУ.
-Разговарав со 26 невладини организации и граѓански здуженија кои дадоа голема поддршка за овој договор. Сакам да повторам дека ова е компромисно решение, но, ова е и решение кое пред се и дава шанса на Република Македонија да оди напред и да се приклучиме кон Европската Унија и НАТО, да обезбедиме подобар живот за сите наши граѓани имајќи предвид дека во изминатите 27 години Република Македонија стои во место, вели Бочварски.
Тој забележа дека во изминатите години граѓаните се иселуваат и не можат да обезбедат сопствена иднина и иднина на своите деца, а што е уште пострашно, како што вели, си заминуваат со пасоши од странски држави. Бочварски истакна дека токму со референдумот на 30 септември граѓаните ќе одлучат дека се за европска Македонија, која нуди и подобра иднина на младите луѓе.