Во Радовиш изгоре куќа, тешко повреден е еден пожарникар

Од:

Целосно е изгорен вториот кат и кровната конструкција на куќа во Радовиш во пожар што избувна попладнево на улицата „Партизанска“. При гаснењето на пожарот тешко е повреден и еден пожарникар, кој има скршеници на ногата, по што е хоспитализиран во Клиничка болница-Штип, а поради сериозноста на повредите е испратен на Клиниките во Скопје.

Командирот на ТППЕ- Радовиш, Ѓеро Коцев вели дека од страна на соседи е пријавен пожарот во 13 часот и 50 минути,  а сопственикот на куќата не бил дома.

-Во гаснењето на пожарот учествуваме девет пожарникари со три противпожарни возила, пламените ајзици брзо се ширеа, бидејќи куќата е изградена од трска. Според увидот, кој е направен пожарот настанал најверојатно од компјутерот, а потоа се проширил на завесата и на останатат покуќнина, вели Коцев.

Додаде дека при интервенцијата, пожарникарите успеале да ја спасат и соседната куќа, чија кровна конструкција била на само неколку метри од опожарената куќа.

Би можело да ве интересира

Активни се 14 пожари, четири се под контрола

Сѐ уште е активен пожарот во селото Нерав, и АРМ ќе се вклучи во гасењето

Поради пожарите, прогласена е вонредна состојба во Врање

Пожарот на планината Готен се очекува да се приближи до селото Јаргулица, во зависност од насоката на ветрот

(ВИДЕО) Турција во пламен, се огласи Ердоган: Подигнавме 27 авиони, 105 хеликоптери, десетици илјади луѓе…

(ВИДЕО) Ангелов: Најтежок за гаснење е пожарот на планината Готен

Горан Наумовски